Google ADS

Krasniqi i painformuar për kërkesën e kryetarëve të veriut për takim me të e Kurtin

17:55 | 14 Tetor 2023
E.K

Ministri i Administrimit të Pushtetit Lokal, Elbert Krasniqi, ka thënë se nuk është i informuar në lidhje me kërkesën e kryetarëve të komunave në veri, përkatësisht atij të Zveçanit, Ilir Peci, se duhet një takim i përbashkët edhe me kryeministrin Albin Kurti.

Krasniqi, në një prononcim për media tha se për kërkesën po dëgjon për herë të parë, ndonëse ka pasur një takim me kryetarët ditë më parë.

“Për këtë kërkesë po dëgjoj tash prej juve. Unë jam i painformuar deri tash për këtë kërkesë. I kemi takuar para ca ditëve, por s’kemi pasur kërkesë të tillë”, tha Krasniqi, njofton Klankosova.

Kujtojmë se ministria e Administrimit të Pushtetit Lokal e ka publikuar udhëzimin administrativ që u mundëson qytetarëve që përmes një peticioni të largojnë kryetarët e komunave veriore.

Në lidhje me mbajtjen e zgjedhjeve të reja në veri të vendit, për dallim prej herës së fundit kur janë mbajtur ato, tash edhe Lista Serbe është deklaruar pro tyre.

Shpërndaje në rrjete sociale

Lajmet më të lexuara

Të ngjashme

Foto lajm